АСЛАН БЖАНИЯ ПОЗДРАВИЛ НАРОД АБХАЗИИ С ДНЕМ ГОСУДАРСТВЕННОГО ФЛАГА
Сухум. 23 июля 2020. Абхазия-Информ. Президент Аслан Бжания поздравил народ Абхазии с Днем Государственного Флага Республики Абхазия. В поздравлении говорится:
Аҧсны Ахада Аслан Бжьаниа Аҧсны жәлар Аҳәынҭқарратә бираҟ амш рыдиныҳәалеит. Адныҳәалараҿы иазгәаҭоуп:
Ҳаҭыр ду зқәу Аҧсны жәлар!
Гәык-ҧсык ала ишәыдысныҳәалоит Аҧсадгьыл азгәдууреи, агәышьҭыхреи зцу аныҳәа-Аҧсны Аҳәынҭқарратә бираҟ амш!
Аҧсны жәлар ҳзы игәазырҳагоу аҳәынҭқарратә дыргақәа, ихьыҧшым аҧсуа ҳәынҭқарра иақәлоуп. Жәлар рҧыза Владислав Арӡынба инапхгарала Аҧсны Иреиҳаӡоу Асовет ҧхынгәымза 23 1992 шықәса рзы ишьақәнарӷәӷәеит еицырдыруа аҧсуа сахьаҭыхҩы-апатриот Валери Гамгиа иаҧиҵаз аексизқәа рыла Аҳәынҭқарратә бираҟи агерби.
Аџьынџьтәылатә еибашьра аамҭазы Аҧсны ахьчаҩцәа ҳбираҟ ҧшӡа ианықәны ауп ишцоз ахақәиҭраз ажәыларахь, уи Аиааира иасимволуп. Ҳҳәынҭқарратә бираҟ дыргас ирымоуп ҳажәлар рықәҿиарақәа. Агәра ганы сыҟоуп ихьыҧшым Аҧсны аҳәынҭқарра абираҟ иақәнагоу аҭыҧ ылнахраны ишыҟоу жәларрыбжьаратәи аиҿкаара дуқәа рыҟны! Нагӡара ақәзааит ҳаҧсадгьыл Аҧсны, наунагӡа иахышәыршәырлааит апшзара иакны иаго аҧсуа бираҟ! Шьардаамҭа Аҧсынра!
Аҧсны Аҳәынҭқарра Ахада
Аслан Бжьаниа
Последнее от Super User
- ТИМУР АГРБА ВСТРЕТИЛСЯ С ПОСЛОМ РОССИИ В АБХАЗИИ
- БОЛЕЕ 8 МЛН ЧЕЛОВЕК ПЕРЕСЕКЛИ ГРАНИЦУ РОССИИ И АБХАЗИИ ЗА ДЕВЯТЬ МЕСЯЦЕВ
- ПОСТРАДАВШИЙ В ГОРАХ МУЖЧИНА ЭВАКУИРОВАН В МЕДУЧРЕЖДЕНИЕ СУХУМА
- ОБЪЯВЛЯЕТСЯ НАБОР ЗАЯВОК НА УЧАСТИЕ В КОНКУРСЕ «СИЛА СЕЛА – ГОРДОСТЬ АБХАЗИИ»
- СОВМЕСТНЫЙ КОНЦЕРТ ГОСУДАРСТВЕННОЙ ХОРОВОЙ КАПЕЛЛЫ АБХАЗИИ И КАМЕРНОГО ХОРА МОСКОВСКОЙ КОНСЕРВАТОРИИ